१२ मंसिर २०७८
मधेश आन्दोलनका चर्चित नेता झा सहित तीन सयजना जसपामा प्रवेश
November 14, 2021
8:44 am

विराटनगर २८ कात्तिक । मधेश आन्दोलनका बेला मोरङबाट नेतृत्वदायि भुमिका निर्वाह गर्ने यूवा नेता मृत्युञ्जय कुमार झा जनता समाजबादी पार्टी नेपाल (जसपा) मा प्रवेश गरेका छन ।

जसपाले शनिवार विराटनगरमा आयोजना गरेको जनजागरण सभाकाबीच पार्टीका केन्द्रीय अध्यक्ष एवम पुर्व उपप्रधानमन्त्री उपेन्द्र यादवले झा लाई टिका माला लगाउँदै पुनः पार्टीमा प्रवेश गराउनुभयो । पार्टी भित्रको असन्तुष्टिका कारण झा तीनबर्ष अघि नेपाल कम्युनिष्ट पार्टीमा प्रवेश गरेका थिए । पछिल्लो समय नेपाल कम्युनिष्ट पार्टी दुई चिरामा बिभाजन भएपछि कुनैपनि समुहमा नलागि झा निस्क्रिय बनेका थिए ।

तत्कालिन मधेशी जनअधिकार फोरमको संस्थापक हुँदै केन्द्रीय सदस्य र मोरङ ईन्चार्ज भएर समेत झा ले लामो समय काम गरिसकेका छन । उनलाई पार्टीमा फर्काउन जसपा नेपालका मोरङ जिल्ला अध्यक्ष राजकुमार यादवले महत्वपुर्ण भुमिका निर्वाह गरेको बताइएको छ । उनलाई पार्टीमा बिगतको जिम्मेबारी तथा मानसम्मानलाई निरन्तरता दिनेगरि पार्टीमा भित्र्याइएको जसपा श्रोतले बताएको छ ।
पार्टी प्रवेश कार्यक्रममा बोल्नुहुँदै झाले ढेड दशकको संघर्षले एकात्मक संरचनाको व्यवस्थालाई परिर्वतन गरेर संघीयता हासिल भएपनि फेरीपनि उपलब्धिलाई समाप्त पार्ने खेल शुरु भएपछि उपलब्धी जोगाउन जसपामा सक्रिय भएको बताउनुभयो । संघर्ष गरेर निर्माण गरेको पार्टीलाई वैकल्पिक शक्तिको रुपमा स्थापितगर्न र बाँकी रहेको मधेश आन्दोलनको माग संस्थागतगर्न समेत आफु जसपामा फर्किएको उहाँको भनाई छ ।

सोहि कार्यक्रमकाबीच झा संगै संबिधानसभा सदस्य रमानन्द मण्डल समेत जसपामा प्रवेश गरेका छन । मण्डल तत्कालिन मधेशी जनअधिकार फोरमबाट क्षेत्रनम्बर ४ बाट संबिधान सभामा निर्वाचित भएका थिए । मण्डल पछिल्लो समय मधेशी जनअधिकार फोरम लोकतान्त्रीकमा आबद्ध थिए । उनलाई समेत जसपा अध्यक्ष उपेन्द्र यादवले पार्टी प्रवेश गराउनुभएको छ ।


यसैबीच झा र यादव संगै तीन सय नेता तथा कार्यकर्ता विभिन्न पार्टी परित्यागरि जसपामा प्रवेश गरेको जिल्ला अध्यक्ष राजकुमार यादवले बताउनुभयो । पछिल्लो समय सो पार्टीले (सुज) अभियान चलाएर पार्टीको संगठन सुदृढिकरण गरिरहेको छ ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net