१२ मंसिर २०७८
विराटनगरका एक स्थानीयको घरमा तोडफोड
November 7, 2021
3:58 pm

विराटनगरको वडा नम्बर १ पोखरिया,शान्तिचोकस्थित देविका मास्केको घरमा अराजक समूहले तोडफोड गरेको छ । शनिबार राति १० बजे समूह बनाएर आएको हुलले मास्केको घरमा तोडफोड गरेको हो ।

तोडफोडबाट मास्के परिवारको घरको टिनको घेराबेरासहित दुईवटा झ्यालको सिसा फुटेको छ भने मुल ढोका र मिटर बक्स लगायतका सामानसमेत तोडफोड भएको छ । घरको उत्तरतर्फबाट आएको हुलले घर घेराउ गरी तोडफोड गरेको प्रत्यक्षदर्शीले बताएका छन् । तोडफोड भइरहेको समयमा मास्के परिवारका ४ जना घरभित्रै रहेको जनाइएको छ । घटना भएको घर जिल्ला प्रहरी कार्यालय मोरङको कार्यालयभन्दा झण्डै ५० मिटर उत्तरतर्फ छ । घटना भएको केही समयअघि घटनास्थल नजिकैको चोकमा युवाहरुको दुई समूहबीच झगडा भएको बताइएको छ । सोहि क्रममा विपक्षी युवाहरुलाई लखेट्दै आएको समूहले मास्केको घरमा तोडफोड गरेको बताइएको छ ।

झगडामा संलग्न युवाहरुलाई कोठामा लुकाएको आरोप लगाउँदै आफूहरुको घरमा आक्रमण गरी तोडफोड गरिएको घटनाको समयमा घरभित्रै रहनुभएकी देविका मास्केले बताउनुभयो । तोडफोड गर्ने क्रममा घरको झ्यालढोकामा ढुंगा र इट्टा प्रहार गरिएको पीडित परिवारले बताएको छ । शनिबार साँझ साढे ८ बजेबाटै तनावको अवस्था बढ्दै गएर राति १० बजे मास्केको घरमा तोडफोड भएको प्रत्यक्षदर्शीले बताएका छन् । मास्के परिवारको घरअगाडि होहल्ला हुन थालेपछि पुगेको थोरै संख्याको प्रहरीलाई समेत हुलले लखेटेको र फेरि थप बल सहित प्रहरी आइपुग्नु अगाडि नै तोडफोड भएको प्रत्यक्षदर्शी दिपक साहले बताउनुभएको छ ।

घटनापछि घटनास्थल वरिपरिका सर्वसाधारणमा त्रास उत्पन्न भएको छ । उनिहरुले घटनाको बास्तविकता छानबिन गरी संलग्नहरुलाई कडा कारबाही गर्न मागसमेत गरेका छन् । घटनामा संलग्न भएको आशंकामा प्रहरीले २ जनालाई नियन्त्रणमा लिएर छानबिन गरिहरहेको जनाइएको छ ।

घटनाका बिषयमा अनुसन्धान भइरहेको जिल्ला प्रहरी कार्यालय मोरङका प्रवक्ता डिएसपी दिपक श्रेष्ठले बताउनुभएको छ ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net