३१ असोज २०७८
पथरी–शनिश्चरेमा नेपाल उत्पीडित जातीय मुक्ति समाजको ५१ सदस्यीय नगर कमिटी गठन
September 27, 2021
8:09 pm

विराटनगर ११ असोज । नेकपा (एमाले) को जनवर्गीय संगठन नेपाल उत्पीडित जातीय मुक्ति समाज मोरङले संगठन सुदृढीकरण अभियानलाई तीब्र पारेको छ । मुक्ति समाजले मोरङका १७ वटै स्थानीय तहका सबै वडामा संगठन सुदृढीकरण अभियान तीब्र बनाउँदै लगेको हो ।

अभियान अन्तर्गत मोरङको पथरी–शनिश्चरेमा सम्पन्न भेलाले नगरपालिकाको १० वटै वडाको प्रतिनिधित्व हुनेगरी ५१ सदस्यीय नगर सम्मेलन आयोजक कमिटी गठन गरेको छ ।

राष्ट्रियसभाका पूर्व सांसद, नेकपा (एमाले) प्रदेश कमिटी सदस्य तथा मुक्ति समाज प्रदेश १ का इन्चार्ज खेम नेपालीको प्रमुख आतिथ्यतामा पथरीमा सम्पन्न भेलाले भीमबहादुर रसाईलीको अध्यक्षतामा ५१ सदस्यीय नगर सम्मेलन आयोजक कमिटी गठन गरेको हो ।

भेलाले उपाध्यक्षमा फुलमाया दर्जी, सचिवमा केशिका महत (दर्जी), सह–सचिवमा अनिता गदाल बि.क. र कोषाध्यक्षमा जगत नेपालीलाई चयन गरेको छ ।
त्यस्तै उक्त भेलाले सदस्यहरुमा गीता पाँचकोटी, श्याम रसाइली, कमला विश्वकर्मा, इन्दीरा सुन्दास, काजिमान खाती, भक्त दर्जी, सीता भूषाल, सरला बिक, गंगा बिक, सरिता शिवा, उर्मीला बिक, नरेन्द्र नेपाली, कुमारी बराइली, फुलमाया गहतराज, विमला दर्जी, लोकबहादुर दर्जी, अञ्जना दर्जी, देविका खाती, सुजता बिक, अनिता गदाल (क), धनबहादुर लकान्द्री, कमला रसाइली, पदम विश्वकर्मा, बीर बहादुर ऋषिदेव, काशिलाल मुसहरलाई चयन गरेको छ ।

त्यस्तै अन्य सदस्यहरुमा कमला बिक, सीता तिरुवा, कुमारी सार्की, विष्णु सार्की, जुना बयलकोटी, मुना शिवा, अग्नि सुन्च्यूरी, तेजबहादुर घतानी, विक्रम विश्वकर्मा, मुना परियार, इन्दीरा बिक, ज्ञानबहादुर बिक, रत्नबहादुर गजमेर, सुर्य लामिछाने, समुयल गजमेर, भक्तिमाया बराइली, पवित्रा बिक, कुमार बिक, तेजकुमारी बिक, बलबहादुर बिक, र धनराज दियालीलगायत रहेको नेपाल उत्पीडित जातीय मुक्ति समाज मोरङका अध्यक्ष किशोर विश्वकर्माले जानकारी दिए ।

भेलाले छनौट गरेका पदाधिकारी तथा सदस्यहरुको घोषणा मुक्ति समाजका केन्द्रीय सदस्य भद्रमान विश्वकर्माले गरेका थिए । नव गठित कमिटीका पदाधिकारी तथा सदस्यहरुलाई मुक्ति समाज मोरङका अध्यक्ष किशोर विश्वकर्माले शपथग्रहण गराएका थिए ।

भेलालाई सम्बोधन गर्दै नेकपा (एमाले) प्रदेश कमिटी सदस्य, मुक्ति समाज प्रदेश १ का इन्चार्ज तथा राष्ट्रियसभाका पूर्व सांसद खेम नेपालीले नेपालमा पहिलो पटक दलित समुदायलाई राजनीतिकरुपमा एमालेले संगठित गराएको स्मरण गर्दै दलित समुदायका मुद्धा एमालेले मात्र सम्बोधन गर्ने बताए ।

उनले दलित मुक्ति आन्दोनलाई राजनीतिक रुपमा एमालेले संगठित गराएको बताए । उनले एमोलेको जनवर्गीय संगठन मुक्ति समाजले सिंगो नेपाली दलित आन्दोलनको अगुवाई गरेर हक अधिकारका लागि लड्न सक्ने बनाएको बताए ।

उनले सिंगो दलित समुदायको अधिकारका लागिसम्पूर्ण दलित समुदाय मुक्ति समाजमा संगठित हुनुपर्ने बताए । नेता नेपालीले ऐन कानुनहरुको प्रभावकारी कार्यान्वयन हुन नसक्दा दलित समुदाय माथि अहिले पनि जतीय विभेद र छुवाछुतका घटना भइरहेकाले त्यसविरुद्ध संगठित भएर लड्नुपर्ने बताए । कार्यक्रममा नेकपा (एमाले) प्रतिनिधि परिषद सदस्य युवराज शिवाकोटी, मुक्ति समाज केन्द्रीय सदस्य तथा मोरङ इन्चार्ज गोपाल लकान्द्री, नेकपा (एमाले) मोरङका सचिवालय सदस्य तथा मुक्ति समाज मोरङका सह–इन्चार्ज जितनारायण सरदार, केन्द्रीय सदस्यहरु दिपेन्द्र पासवान, भद्रमान विश्वकर्मा, प्रदेश कमिटी सदस्य बीरध्वज शिवा, मुक्ति समाज मोरङका अध्यक्ष किशोर विश्वकर्मालगायतले नव गठित कमिटीका सम्पूर्ण पदाधिकारी तथा सदस्यहरुलाई शुभकामना दिँदै पथरी–शनिश्चरे नगरपालिकाका सवै दलित समुदायलाई मुक्ति समाजमा संगठित गर्न निर्देशन दिए ।

उनीहरुले एमाले मात्र देश र जनताका लागि काम गर्ने पार्टी भएकाले अब हुने तीनै तहको निर्बाचनमा एमालेलाई जिताउनुपर्ने बताए । नेताहरुले एमालेकै नेतृत्वमा समृद्ध नेपाल शुखि नेपालीको नारा साकार बन्ने दावी गरे ।

उनीहरुले नवगठित कमिटीलाई शुभकामना दिँदै नगरका सवै वडामा वडा कमिटी विस्तार गर्न निर्देशन दिए ।कार्यक्रममा पथरी–शनिश्चरे नगरपालिकाको १० वटै वडाबाट सयौँको संख्यामा दलित समुदायको सहभागिता रहेको थियो ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net