३१ असोज २०७८
रोटरी क्लब अफ विराटनगर डाउन टाउनद्वारा प्याड वेन्डिङ्ग मेसिन र फिल्टर जडान
September 21, 2021
3:15 pm

विराटनगर, ५ असोज । सामाजिक कार्यमा अग्रसर रोटरी क्लब अफ विराटनगर डाउन टाउनले मोरङको जहदास्थित एक सामुदायीक विद्यालयमा अध्ययनरत छात्राहरुको सुविधाका लागि प्याड वेन्डिङ्ग मेसिन जडान गरेको छ ।

विद्यालयमा अध्ययनरत छात्राहरुको सुविधाका लागि क्लबले जहदा गाउँपालिका—२ मझारेस्थित जनता माध्यामिक विद्यालयमा प्याड वेन्डिङ्ग मेसिन जडान गरेको हो । डाउन टाउनले मेसिनका लागि ५० थान प्याड उपलब्ध गराएको थियो ।

विद्यालयमा अध्ययनका क्रममा महिनावारी हुने समस्याका कारण सो भेगका बालिका विद्यालय अध्ययनका लागि आउन छाडेका थिए । सोही समस्याका कारण धेरै बालिकाले स्कुल छाड्ने गरेका कारण क्लबले प्याड वेन्डिङ्ग मेसिन जडान गरेको हो ।

बालिकालाई विद्यालयमा पढ्न कुनै अवरोध र समस्या नहोस् र पठन पाठन नियमित होस भनेर प्याड वेन्डिङ्ग मेसिन जडान गरिएको क्लबकी अध्यक्ष संचिता जैनले जानकारी दिइन् ।

सो मेसिन क्लबकी अध्यक्ष जैनले सहयोग गरेकी हुन् । क्लबले कोरोना माहमारीको समयमा संक्रमणको जोखिमलाई पनि बेवास्ता गर्दै सामाजिक कार्यहरु गर्दै आएको छ । क्लबले कोरोना माहमारीको जोखिममा पनि सामाजिक कार्यलाई निरन्तरता दिँदै आएको छ ।

त्यस्तै क्लबले स्वच्छ खोनेपानीका लागि सोही गाउँपालिका दुई स्वास्थ्य चौकीलाई फिल्टर समेत हस्तान्तर गरेको छ । क्लबले जहदा गाउँपालिका—२ हरिनगरा र जहदा गाउँपालिका—३ बभनटोली स्थित स्वास्थ्य चौकीमा वाटर फिल्डर हस्तान्तरण गरेको हो ।

सो फिल्टरहरुबाट हजारौँ स्थानीयवासीले किटाणुरहित स्वच्छ पानी पिउन पाउनेछन् । दुवै कार्यक्रममा रोटरी क्लब अफ विराटनगर डाउन टाउनकी अध्यक्ष संचिता जैन, सचिव अनु सारडा, जनसम्पर्क अधिकारी मञ्जु अग्रवाल, रोटरियन सुगन्धा तोदी लगायतका पदाधिकारी तथा सदस्यहरुको सहभागिता रहेको थियो ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net