३१ असोज २०७८
नेपाल उत्पीडित जातीय मुक्ति समाजको ५१ सदस्यीय कटहरी गाउँपालिका कमिटी गठन
September 17, 2021
11:13 pm

लालबाबु पण्डितले दिए शुभकामना

विराटनगर १ असोज । नेकपा (एमाले) को जनवर्गीय संगठन नेपाल उत्पीडित जातीय मुक्ति समाज मोरङले संगठन सुदृढीकरण अभियानलाई तीब्र पारेको छ । मुक्ति समाजले मोरङका १७ वटै स्थानीय तहका सबै वडामा संगठन सुदृढीकरण अभियान तीब्र बनाएको हो ।

अभियान अन्तर्गत मोरङको कटहरीमा सम्पन्न भेलाले गाउँपालिकाका ७ वटै वडाको प्रतिनिधित्व हुनेगरी ५१ सदस्यीय गाउँपालिका सम्मेलन आयोजक कमिटी गठन गरेको छ ।

पूर्वमन्त्री तथा नेकपा (एमाले) पोलिट ब्यूरो सदस्य लालबाबु पण्डितको प्रमुख आतिथ्यतामा कटहरी–५ स्थित दलित सामुदायीक भवनमा सम्पन्न मुक्ति समाजको गाउँपालिका स्तरीय भेलाले विद्यानन्द सरदारको अध्यक्षतामा ५१ सदस्यीय गाउँपालिका सम्मेलन आयोजक कमिटी गठन गरेको हो ।

भेलाले उपाध्यक्षमा उपेश हरिजन, सचिवमा दिपेन्द्र ऋषिदेव, सह–सचिवमा विरेन्द्र सरदार वासोदेवी सरदारलाई चयन गरेको छ । त्यस्तै सदस्यहरुमा मन्टु पासवान, राहुल पासवान, मिठु पासवान, बलराम ऋषिदेव, विजय ऋषिदेव, वसस्तीदेवी सरदार, मन्सादेवी सरदार, दौनादेवी सरदार, सृजना सरदार, सितकुमार सरदार, शुशिल हरिजन, मुन्ना कुमारी सरदार, सुर्यनारायण हरिजनलगायत रहेका छन् ।

भेलाले छनौट गरेका पदाधिकारी तथा सदस्यहरुको घोषणा राष्ट्रियसभाका पूर्व सांसद, नेकपा (एमाले) प्रदेश कमिटी सदस्य तथा नेपाल उत्पीडित जातीय मुक्ति समाज प्रदेश नं. १ का इन्चार्ज खेम नेपालीले गरेका थिए ।

नव गठित कमिटीका पदाधिकारी तथा सदस्यहरुलाई नेकपा (एमाले) मोरङका सचिवालय सदस्य, मुक्ति समाज मोरङका सह–इन्चार्ज जितनारायण सरदारले शपथग्रहण गराएका थिए ।

भेलालाई सम्बोधन गर्दै पूर्वमन्त्री तथा नेकपा (एमाले) पोलिट ब्यूरो सदस्य लालबाबु पण्डितले दलित समुदायका मुद्धा एमालेले मात्र सम्बोधन गर्ने बताए ।

उनले सवैभन्दा विपन्न र भूमिहिन दलित समुदाय रहेकाले एमाले नेतृत्वको सरकारले भूमि सम्बन्धी समस्या समाधान आयोग गठन गरेर जग्गा वितरणको प्रकृया सुरु गर्न लागेको बेला सर्बोच्च परमादेशबाट बनेको शेरबहादुर देउवा नेतृत्वको सरकारले आयोग नै विघटन गरेर दलित समुदायमाथि कुठाराघात गरेको बताए ।

नेता पण्डितले तराई मधेश समृद्धि कार्यक्रम अन्तर्गत एमाले नेतृत्वको सरकारले दलित समुदायको संस्कृती संरक्षणका लागि पनि प्रयाप्त काम गरेको समेत बनाए । उनले तराई मधेश समृद्धि कार्यक्रम अन्तर्गत कटहरीमा मात्र नभएर तराईका धेरै जिल्लामा सामुदायीक भवनहरु निर्माण गरिएको बताए ।

उनले कटहरीको दलित सामुदायीक भवन सोही कार्यक्रम अन्तर्गत निर्माण भएको र केही अपुरो रहेकाले आगामी निर्बाचनबाट बन्ने एमालेकै सरकारले पूर्णता दिने बताए ।

नेता पण्डितले नव गठित कमिटीका सम्पूर्ण पदाधिकारी तथा सदस्यहरुलाई शुभकामना दिँदै कटहरीका सवै दलित समुदायलाई मुक्ति समाजमा संगठित गर्न निर्देशन समेत दिए ।

कार्यक्रममा नेकपा (एमाले) का प्रदेश कमिटी सदस्य बाबुराम कार्कीले संगठित भएर मात्र आफ्नो अधिकारका लागि लड्न सकिने बताए । उनले एमाले मात्र देश र जनताका लागि काम गर्ने पार्टी भएकाले अब हुने तीनै तहको निर्बाचनमा एमालेलाई जिताउनुपर्ने बताए ।

सो अबसरमा राष्ट्रियसभाका पूर्व सांसद, नेकपा (एमाले) प्रदेश कमिटी सदस्य तथा मुक्ति समाज प्रदेश १ का इन्चार्ज खेम नेपालीले दलित समुदायलाई राजनीतिक रुपमा सवैभन्दा पहिले एमालेले संगठित गरेर हक अधिकारका लागि लड्न सक्ने बनाएको बताए ।

उनले सिंगो दलित समुदायको अधिकारका लागि मुक्ति समाजले अगुवाई गर्दै आएकाले सम्पूर्ण दलित समुदाय मुक्ति समाजमा संगठित हुनुपर्ने बताए ।

कार्यक्रममा नेकपा (एमाले) प्रदेश कमिटी सदस्य सदत्यनारायण चौधरी, नेकपा (एमाले) मोरङका सल्लाहकार मोहनलाल सरदार, जिल्ला कमिटी सदस्य सुभाष सरदार, बैजु विश्वास, मुक्ति समाज मोरङका अध्यक्ष किशोर विश्वकर्मालगायतले नवगठित कमिटीलाई शुभकामना दिए।

कार्यक्रममा नेकपा एमाले क्षेत्र कमिटी सदस्य कमल कार्की, युवा नेता मनोज राईको समेत उपस्थिती रहेको कार्यक्रम मुक्ति समाज मोरङका सचिव विनोद चाहारले सञ्चालन गरेका थिए । कार्यक्रममा कटहरी गाउँपालिकाको ७ वटै वडाबाट सयौँको सहभागिता रहेको थियो ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net