३१ असोज २०७८
तोकियो गहुँको समर्थन मूल्य, प्रतिक्‍वीन्टल ९६ रुपैयाँ बढाइयो
March 23, 2021
12:39 pm

सरकारले गहुँको समर्थन मूल्य तोकेको छ । गत वर्षको तुलनामा केही रकम बढाएर सरकारले गहुँको समर्थन मूल्य तोकेको हो । कृषि मन्त्रालयको सिफारिसमा उद्योग वाणिज्य तथा आपूर्ति मन्त्रालयले गहुँको समर्थन मूल्य बढाउने प्रस्ताव २० फागुनमा बसेको मन्त्रिपरिषद्‍ बैठकमा लगेको थियो । आपूर्ति मन्त्रालयको प्रस्तावमा सरकारले चालु आर्थिक वर्षका लागि गहुँको समर्थन मूल्य गत वर्षभन्दा ९६ रुपैयाँ बढाएर तीन हजार एक सय ११ रुपैयाँ मूल्य निर्धारण गरेको छ ।

गत वर्ष गहुँको समर्थन मूल्य तीन हजार १५ रुपैयाँ थियो । समर्थन मूल्य तोकिएसँगै खरिद प्रक्रिया अघि बढाइएको खाद्य व्यवस्था तथा व्यापार कम्पनी लिमिटेडले जनाएको छ ।

कृषि मन्त्रालयको तथ्यांक अनुसार नेपालमा वार्षिक २० लाख मेट्रिक टन गहुँ उत्पादन हुने गर्छ । त्यस्तै भन्सार विभागको तथ्यांक अनुसार चालु वर्षको ८ महिनाको अवधिमा साढे ७ अर्ब रुपैयाँ बराबरको गहुँ आयात भएको छ ।

उत्पादन लागत र व्यापारीलाई हुने २० प्रतिशत लाभलगायतका आधार राखेर समर्थन मूल्य तोकिने गर्छ । सरकारले गत वर्षदेखि गहुँ र धानको समर्थन मूल्य निर्धारण गर्दै आएपनि प्रभावकारी कार्यान्वयन गराउन भने सकेको छैन । सरकारले खरिद प्रकियामा ढिलाइ गर्नुका साथै नियमन गर्नसमेत चुकेकाले व्यापारीहरूले सस्तोमा उठाउने गरेको कृषकहरूको गुनासो छ ।

यो वर्ष पहिलो पटक धान लगाउनु पूर्व नै धानको समर्थन मूल्य तोकेर पनि सरकारले कार्यान्वयन गराउन सकेको थिएन । सरकारले गत असारमै मोटो धानको समर्थन मूल्य २७ सय ३५ र मसिनो धानको समर्थन मूल्य २८ सय ३५ तोकेपनि व्यापारीहरूले भने २२ सय रुपैयाँ क्‍वीन्टलमा उठाएका थिए ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net