३१ असोज २०७८
मनकामना केबुलकार पुनः सञ्चालनमा आउँदै, टिकट अब फोनमै
November 23, 2020
5:47 pm

कोरोना भाइरसको महामारीका कारण झण्डै सात महिनादेखि बन्द रहेको नेपालको पहिलो केबुलकार मनकामना केबुलकार छिट्टै नै सञ्चालनमा आउने भएको छ ।

कम्पनीले आफ्नो २३औँ वर्ष प्रवेशको अवसर पारेर स्वास्थ्य सुरक्षाका सबै मापदण्ड अपनाई केबुलकार खोल्ने तयारी भइरहेको जानकारी दिएको हो ।

केबुलकारले स्ट्याण्डर्ड अपरेसन प्रोसिड्योरअनुसार निर्देशिका पालना कार्यान्वयनमा ल्याउने गरी स्थानीय तह र उद्योगी व्यवसायीस“ग समन्वय गरिरहेको जनाएको छ ।

पहिला स्थानीयको सुरक्षाका लागि समेत केबुलकार नखोलिएको तर अहिले स्थानीय उद्योगी÷व्यवसायी पनि केबुलकार खोल्ने खबरले उत्साहित भएकाले स्थानीय तहको स्वीकृतिमा छिट्टै नै खुला गरिने कम्पनीको भनाइ छ ।

कोभिडपछिका दिनहरूमा केबुलकारको टिकट अनलाइनमार्फत खरिद गर्न सकिने व्यवस्था मिलाइएको छ । ई–सेवामार्फत टिकट बुकिङ गर्दा यात्रुले फोनमै टिकट प्राप्त गर्न सक्नेछन् भने फोन–पेमार्फत टिकट काउन्टरबाट टिकट लिन सक्नेछन् ।

सुगमदेखि दुर्गम क्षेत्रसम्म ई–पेको पहु“च पुगिसकेको छ । नगदरहित कारोबार, यात्रु सेवा सहजतासँगै भीडभाड कम हुने कुरालाई मध्यनजर गर्दै यस्तो व्यवस्था लागू गरिएको कम्पनीले जनाएको छ ।

कम्पनीले यात्रु तथा आप्mनो जनशक्तिको स्वास्थ्य सुरक्षाका लागि मुख्य ढोकादेखि नै हेल्थ स्क्रिनिङको तयारी गर्नुका साथै प्रत्येक घण्टा डिसइन्फेक्ट गर्ने, यात्रु र सेवामा सहभागी कर्मचारीलाई फेस शिल्ड, मास्क, स्यानिटाइजरको व्यवस्था गर्ने जनाएको छ ।

कम्पनीका अनुसार स्यानिटाइजर, ह्याण्ड वास, डिसइन्फेक्सन मेसिन, शरीरको तापक्रममापन, मास्क, फेस सिल्ड र फ्रन्टलाइनमा काम गर्ने कर्मचारीहरूलाई पीपीईलगायतको स्वास्थ्य सुरक्षाको प्रबन्ध गरी छिट्टै नै पुनः सेवा सञ्चालन गरिन लागिएको हो ।

कम्पनीले कुरिनटार स्टेसन र मन्दिरक्षेत्रमा रहेको स्टेसनमा आइसोलेसन वार्डसमेत तयार गरिसकेको छ । २२ वर्षको अवधिमा करिब डेढ करोड भक्तजनले केबुलकारको यात्रा गरिसकेका छन् ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net