३१ असोज २०७८
कटहरीका स्थानीय युवाहरुले वडाध्यक्षलाईनै वितरण गरे राहत
April 1, 2020
3:18 pm

विराटनगर, चैत १९–‘लक डाउन’ का कारण दैनिक ज्यालादारि मजदुरी गरेर गुजारा गर्ने परिवारको समस्यालाई गम्भिर रुपमा नलिएको भन्दै आक्रोशित मोरङको कटहरी गाउँपालिकाका युवाहरुले वडाध्यक्षलाईनै राहत वितरण गरेका छन् ।

कटहरी गाउँपालिका–१ का वडाध्यक्ष कपुरलाल माझिले लक डाउनका कारण हातमुख जोर्न समस्यामा परेका वडावासीलाई राहतको व्यवस्था गर्न वेवास्ता गरेको भन्दै स्थानीय युवाहरुले उनलाईनै व्यंग्यस्वरुप राहत वितरण गरेका हुन् ।

उनीहरुले वडाध्यक्षको घरमै राहत सामाग्री पु¥याइदिएका छन् । बुधबार स्थानीय युवाहरुको समूहले चामल, तरकारी, नुन, तेलसहितको राहत सामाग्री वडाध्यक्षको घरमै पु¥याईदिएका हुन् ।

लकडाउनको कारण समस्यामा परेको बेला पनि वास्ता नगरेको भन्दै आक्रोशित स्थानीयले व्यंग्यस्वरुप वडाध्यक्ष माझीको घरमा राहत सामाग्री लगिदिएका हुन् । उनीहरुले संकटको बेलामा नागरिकको समस्याप्रति चासो नराखेको भन्दै वडाध्यक्षलाई नै राहत उपलब्ध गराएको बताएका छन् ।

सरकारले स्थानीय तहलाई लकडाउनको कारण समस्यामा परेका परिवारको लगत संकलन गरी राहत उपलब्ध गराउन भनेको छ । तर, वडाध्यक्ष माझीले वास्ता नगरेकोले उनलाई नै समस्या परेको होला भनेर राहत लगिदिएको स्थानीय युवाहरुले बताएका छन् ।

राहतको व्यवस्थापन गर्न अनुरोध गर्दा वडाध्यक्षले माथिबाट केही आएको छैन, म पनि समस्यामा छु भनेकोले उनलाई राहत पुर्याईदिएको स्थानीय युवा मो.रमजानले बताए । युवाहरु आएको सुईको पाएर माझी घरबाट निस्किएकालले उनको घरमा राहत सामाग्री छोडेर आएको उनले बताए ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net